МЭРГЭЖЛИЙН ТЭНХИМ

Мэргэжлийн тэнхим нь барилга, аж үйлдвэр, үйлдвэрлэл үйлчилгээний чиглэлийн мэргэжлээр ерөнхий боловсролын сургуулийн 9, 12-р анги төгсөгчид болон насанд хүрэгчид, мэргэжил эзэмших хүсэл зорилготой хүн бүрийг элсүүлэн мэргэжлийн болон техникийн боловсролын сургалтыг явуулдаг.

Мэргэжлийн тэнхим нь Мэргэжлийн өндөр ур чадвар бүхий багш нар, сүүлийн үеийн дэвшилтэт тоног төхөөрөмж, техник хэрэгсэл, анги танхим, дадлагын газар, лабортарийн газарт сургалтын таатай орчныг бүрдүүлэн ажиллаж байна.

Дадлагын хичээл болон үйлдвэрлэлийн дадлагын чанарыг сайжруулах, цаашид зах зээлийн эрэлтэд нийцсэн чадварлаг мэргэжилтэй ажилтан бэлтгэхийн тулд мэргэжлийн чиглэл бүрээр төрийн болон төрийн бус байгууллагууд, мэргэжлийн холбоод, 50 гаруй аж ахуйн нэгж байгууллагуудтай хамтран ажилладаг.

Тэнхимийн зорилго

Хөдөлмөрийн зах зээлийн эрэлтэд нийцсэн мэргэжилтэй ажилтныг сургаж төлөвшүүлэх, танхимын болон онлайн хосолсон сургалтын чанар үр өгөөжийг дээшлүүлж, багш суралцагчдын хамтын ажиллагаа, бие даан суралцах чадварыг хөгжүүлэн,зөв хандлагатай иргэн төлөвшүүлэн хөгжүүлэхэд оршино.

Тэнхимийн зорилт

• Чадамжид суурилсан сургалтын хөтөлбөр, шинэчлэн сайжруулах, хэрэгжүүлэх
• Багш бүр ажлын байрандаа тасралтгүй хөгжих, мэдлэг, ур чадвараа дээшлүүлэх, сургалтын чанар, ажил эрхлэлтийн түвшинг ахиулах
• Суралцагчдын хоцрогдлыг нөхөх, сургалтын таатай орчин бүрдүүлэх, суралцахад дэмжлэг үзүүлэх
• Цахм хичээлийг сайжруулан, цахим хэрэглэгдэхүүний сан бүрдүүлэх
• Дадлагын хичээлийн чанарыг сайжруулах, ажил эрхлэлтийн түвшинг ахиулах
• Суралцагчдын мэдлэг, ур чадвар, авьяасыг нээн хөгжүүлж, улс, бүс, аймгийн хэмжээний тэмцээн, уралдаанд, ур чадварын үнэлгээнд оролцуулах

2015 онд Бразил улсын Сан Пауло хотод зохион байгуулагдсан “Дэлхийн ур чадвар”-ын тэмцээнд засал чимэглэлийн мэргэжлийн “Хавтанцар наах” төрлөөр сурагч Д.Мөнгөншагай эксперт багш З.Оюунцэцэгийн хамт Монгол улсаа төлөөлөн анх удаа амжилттай оролцсон.

1. С.Булгансайхан -2017 он “Монгол ур чадвар-2018” Тогоочийн мэргэжлийн сурагчдын ур чадварын уралдаанд 3-р байр
2. Б.Отгон -2018 онд “Монгол ур чадвар -2018” Үсчний мэргэжлийн сурагчдын ур чадварын уралдаанд 2-р байр
3. Б.Ариунжаргал -2018 онд “Монгол ур чадвар -2018” Үсчний мэргэжлийн сурагчдын ур чадварын уралдаанд 2-р байр
4. Б.Болдбаяр-2018 онд “Монгол ур чадвар -2018” Өрөг угсрагчийн мэргэжлийн сурагчдын ур чадварын уралдаанд 3-р байр
5. С.Баярсайхан -2018 он “Монгол ур чадвар-2018” Цахилгааны мэргэжлийн сурагчдын ур чадварын уралдаанд 3-р байр